о Ватры

[ЛЕМ] [PL – o Watrze]

ВАТРА ЗНАЧЫТ ОГЕН

А в дрібницях огниско, при котрым засідали колиси поколиня Лемків, співаючы і бесідуючы всвоім рідным языку, мріючы про свою будучніст, в почутю спільноти глядаючы вытишыня поприкрі долі істориі.

Гнеска Ватра ма чысто інчый вымір і сымволіку.

То оген енерґіі, котром еманує молоде поколіня Лемків, котре гордит ся свойом культуром іхоче похвалити ся ньом пред інчыма.

То оген надіі, котра родит ся в серцях старшых, на тото же достоменніст, язык, традиция ікультура не загыне.

То оген, котрий несе тепло в почутю звязку і єдности серед маціцького народу, розсіяного посвіті.

То в кінци оген фольку в модерным і традицийным унятю – музыкы, дякуючы котрі вшыткыбесідуют єдным голосом.

Ватра в Михалові то 36-літній цикль імпрез посвяченых традициі і лемківскій музыці, котрыдают шансу на автопрезнтацию меншыны, комунікацию і зміцніня єй почутя культуровойдостоменности.

Але Ватра, то не лем маніфест лемківскости.

Наступуючы по собі едициі фестівалю приняли ідею презентациі не лем метаморфозы ікультивуваня лемківской традициі, але шырше русиньской культуры з цілой Європы і Світа.Великом популярністю тішат ся тіж концерти ансамблів презентуючых музыку чысто іншыхетнічных груп, такых як сербскій етно-панк, ци клезмерску музыку.А вшытко тото в найбаржемодерных аранжациях выконаных на барз высокым артистычным рівни.

Запрашаме Вас на Ватру до Михалова, в подорож в часі котрой найдете гынучу в ґльобальнымсвіті етнічну ріжнородніст.