КОМУНІКАТ СТОВАРИШЫНЯ ЛЕМКІВ / KOMUNIKAT STOWARZYSZENIA ŁEMKÓW
КОМУНІКАТ СТОВАРИШЫНЯ ЛЕМКІВ
Стоваришыня Лемків выражат свій непокій, в звязку з заявом Всеукраіньского Товариства Лемківщына, котра явила ся на сайті той орґанізациі 14 серпня 2020 рока.
То антилемківска заява, в котрій власти Товариства пишут, же ніт лемківского языка, а Лемкы то частина украіньского народу. Тота антилемківска постава то одповід на зложену до Президента Украіны петицию, жебы вызнати лемківскій як язык на державным рівни Украіны і надати му особливый статус в розуміню украіньскых законів.
Особу, котра зложыла петицию, Товариство Лемківщына назвало провокатором, а саму ініциятиву окрислили як «ганебну». Товариство зажадало, жебы петиция была знята. Кєд петиция не буде выцофана, верхушка Товариства застерегла собі право до повідомліня одповідніх служб.
Наше Стоваришыня согласно выражат спротив в однесіню до антилемківской і антидемократичной поставы Товариства Лемківщына на Украіні. Зазначаме, што незалежно од нацийональных поглядів і од інтенций внескодавці, каждый чловек має право до свободы думаня, слова і власных переконань, бо тото вшытко єст основом демократичного світа.
Віриме, што Товариство змінит свій підхід до найціннійшой перлины каждого Лемка – рідного языка.
Стоваришыня Лемків
KOMUNIKAT STOWARZYSZENIA ŁEMKÓW
Stowarzyszenie Łemków wyraża swój niepokój w związku z komunikatem Ogólnoukraińskiego Towarzystwa Łemkivszczyna, który został opublikowany na stronie internetowej tej organizacji w dniu 14 sierpnia 2020 roku.
To antyłemkowski komunikat, w którym władze Towarzystwa wyjaśniają, że język łemkowski nie istnieje, a Łemkowie są częścią narodu ukraińskiego. Ta antyłemkowska postawa stanowi odpowiedź na złożoną do Prezydenta Ukrainy petycję, w której postulowane jest przyznanie łemkowskiemu statusu języka na poziomie państwowym Ukrainy, w rozumieniu ukraińskich przepisów.
Osobę, która złożyła petycję, Towarzystwo Łemkivszczyna nazwało prowokatorem, a samą inicjatywę określiło mianem „haniebnej”. Towarzystwo zażądało, aby petycja została wycofana. W innym przypadku mają zostać powiadomione odpowiednie organy.
Stowarzyszenie Łemków jednogłośnie odłącza się od antyłemkowskiej i antydemokratycznej postawy Towarzystwa Łemkivszczyna. Podkreślamy, że niezależnie od poglądów na kwestie narodowościowe panujące wśród Łemków, jak również intencji, którymi kierował się wnioskodawca, każdy człowiek ma prawo do swobody myślenia, słowa i wyrażania własnych poglądów. Wszystkie te elementy są podstawą demokratycznego państwa prawa.
Wyrażamy nadzieję, że Towarzystwo zmieni swój stosunek do najcenniejszego skarbu każdego Łemka – rodzimego języka.
Stowarzyszenie Łemków
Najnowsze komentarze