Opis
(i) |
Publikacja wyraża jedynie poglądy autora/ów i nie może być utożsamiana z oficjalnym stanowiskiem Ministra Spraw Wewnętrznych i Administracji. Публикация выражат лем погляды автора/авторів і не може быти принимана як офіцияльне становиско Міністра Внутрішніх Справ і Адміністрациі. |
(c) Wszelkie prawa zastrzeżone. Prosimy nie umieszczać kopi czasopisma na żadnej stronie internetowej nie należącej do wydawcy.
Часопис Головного Заряду Стоваришыня Лемків выходит од 1989 рока посвячений збережыню істориі, культуры і языка Лемків інформуючий о жытю нашой і братніх нам соспільности плекаючий вірні надіі прадідів і вітців. В Бесіді почуєш смак рідного слова, такого, як передати го треба твоім дітям і внукам. Буд спілучастником і спілтворцьом Бесіды, бесідуй з Бесідом Бесідуй, рад, гвар, повідай!
Товды ЛЕМ будеш собом. І шанувати Тя будут Люде.
В номері 4 з 2024р медже інчым:
„Та смерт кориґує пізриня на жытя. Хоц Гарасимовичове одышло, його лемківскы лірикы остали. Політыка зотліє, а до той поезиі, в будучым єй ренесансі, якій абсолютні іщы наступит, вернут шалены душы потомків. До поезиі, яка величезном силом перебитя бесідувала до світа, кєд уж не о нашым жытю, та хоц о вмераню. Але бесідувала!” Петро Трохановскій, Гарасимович в Никыфора, стор. 6.
Худоба зо стайні не хтіла выйти, як бы знала, же веце до ней не гвойде. Рычала як привязували єй до возiв. Як бы знала, же веце не верне на пасвиска, же не буде пити воды з потока. // Возы помаленькы рушыли дорогом в незнане. Люде іщы раз озерают ся за Ясюнком, іщы раз смотрят і думают, ци даколи будеме єй іщы видіти? // Плакали вшыткы, плакали діти, мама, дідове і няньо плакал, котрый ниґда не плакал. Михал Гайтко, Плакали вшыткы… (слово при посвячыню памятника), стор. 10.
Бойовый пут Кірила Бреяна зачал ся в Новым Санчы. Конец вересньовой кампаніі стрітил го в околицях Станиславова – там был поневоленый і робил в майнах руды коло Кривого Рогу на Запорожы, а пак при будові штрекы на пілночы Совітского Союзу. В серпни 1942 р., коли нацисты пішли на Совітів, трафил до арміі просто з лаґру в Вязьмі. О місяц польскых воякіх евакуували до Персиі. З Близкого Сходу воєнна доля шмарила го через Єгыпет до Італиі, де вірно служыл при ґен. Владиславі Андерсі. Севериян Косовскій, Істория воєнной вандрівкы К. Бреяна, с. 16.
Postanowienie o umorzeniu śledztwa w sprawie akcji „Wisła” z 24 listopada 2023 r., przez prokuratorkę Beatę Śmiechowską z rzeszowskiej Oddziałowej Komisji
Ścigania Zbrodni przeciwko Narodowi Polskiemu dotyka materii na wskroś historycznej, stanowiącej od lat przedmiot badań. .To, co w nim bulwersuje, to nie tylko zdecydowana obrona organizatorów i wykonawców akcji „Wisła” przed oskarżeniami o zbrodnię komunistyczną, ale też nieprawdziwy obraz samego jej przebiegu. Prof. Jan Pisuliński, Akcja „Wisła i jej fałszywy obraz., cтор. 19
По пару минутах, што бігаме горі-долов по хыжы і фотиме, што ся даст, чуєме голос: „Kde su tote Rusnaci? Будеме бесідувати?“, oзыват ся з двора і мы знаме, же ґазда пришол. З Мартіном Явором, інакше шановным доцентом на університеті, приходит до дому і якаси авра людскости, веселости, добросердечности. // Хоц собі першый раз подаєме руку, вшыткы трьох, котры сме за музейном туристиком вышли з Пряшова, чуєме, як кєбы сме стрітили дакого близкого, кого сме лем давно не виділи. Петро Медвідь, Kasigarda є місце, де мож дотулити ся і „нашой” Америкы, стор. 20.
——————————————
На передній стороні окладинкы: В вас надія на будуче Лемковины, фото Пeтро Трохановскій.
На задній стороні: 45. Лемківска Ватра на Чужыні – плякат, репродукция Богдан Копча.
