Павел Стефановскій (1932 – 2021). Вічная Памят!

przez Seweryn Kosowski · Opublikowano 5 kwietnia 2021 · Zaktualizowano 5 kwietnia 2021

Дішла до нас смутна віст, што 31. марця помер Павел Стефановскій, заслуженый лемківскій діяч, поета, писменник, етноґраф. Од 50. років ХХ ст. анжґажувал ся в соспільно-політычну діяльніст на благо Лемків. Был основательом партиі Русиньскій Демократычный Круг Лемків «Господар». В 2016 р. Капітула Стоваришыня Лемків передала Покійному в просторах Руской Бурсы в Ґорлицях нагороду ім. Никыфора.

Похоронны богослужыня пройдут в віторок, 6. квітня, о 10.00 год. в православній церкви Покровы Пресвятой Богородиці і Почаівской Іконы Божой Матери в Білянці. Ден перше, в понедільок о 17.00 год. буде служеный Парастас.

Павел Стефановскій буде похороненый на місцевым теметові.

Вічная Памят! Буде нам Вас бракувало, Пане Павле!

Од імени Головного Заряду СЛ

– Севериян Косовскій, секретар