ІІ стріча зо стародавныма лемківскыма колядами в Ліґници

Згідні з заповідями, Кружок Стоваришыня Лемків в Ліґници орґанізує другу стрічу, на котрій охочы будут мати змогу навчыти ся неспіваны, забыты днес стародавны коляды і церковны пісні. Перша така стріча была барже орґанізацийном, хоц пристутны зачали ся уж вчыти ся і прібувати деякы творы. А было кому співати – пришло понад 15 осіб!

Кєд Вас не было нa паршій стрічы – нич не вадит, жебы долучыти до співаючой ґрупы. Орґанізаторы дале ждут на вытворіня ся постійной ґрупы. Може і поведе ся зорґанізувати малий концерт, на котрым вызвучат навчены і опрацуваны творы.

Стріча одбубе ся в неділю, 29. листопада/новембра т.р., в садибі Кружка СЛ в Ліґници, при ул. Зофіі Коссак 6. Початок од 16.00 год. Запрашаме!

Не думайте за долго, бо Филипівка уж внет!

АВТОР : Севериян Косовскій