Вмерла Алла Возняк (1942 – 2024). Вічная Памят!

З жальом інформуєме, што 9 серпня 2024 р. в Ліґници вмерла бл. п. Алла Возняк.

Покійна вродила ся 25 марця 1942 р. в Шквіртным (ґорлицкій пов.), в родині Петра і Меляніі Ґлюзів. В 1947 р. враз зо своіма родичами была насильно выгнана в рамках Акциі Вісла на західні землі повоєнной Польщы.

В 1965 р. выдала ся за Укача Возняка по роді з Білцаревы, пізнійшого учытеля лемківского языка в Ліґници, актывного члена Стоваришыня Лемків.

Разом з мужом через долгы рокы оддавала ся лемківскым справам. Через деякій період вела книговіст Головного Заряду Стоваришыня Лемків. Все підпорювала лемківскы діяня.

Жычыньом Покійной было спочати в рідній земли. Парастас буде одслуженый в віторок (13 серпня) о 18:00 год. в православній церкви Воскресіня Христового в Ліґници, а о ден (середа, 14 серпня) похоронны богослужыня пройдут на Лемковині. О 11:00 год. богослужыня зачнут ся в церкви св. Параскєвы в Квятони, а пак похорон на місцевым цмонтери, де спочывают родиче Покійной і давны сусіде.

Стоваришыня Лемків передає щыры слова спілчутя мужови Укачови, дітям Магдалині і Маркови та дальшій родині.

Вічная Памят!